రిజర్వేషన్లపై సుప్రీంకు

-హైకోర్టు మధ్యంతర ఉత్తర్వులపై అప్పీల్ -61% రిజర్వేషన్ అమలుకు వీలుగా పాత -ఉత్తర్వుల పునరుద్ధరణకు విజ్ఞప్తి.. - ముఖ్యమంత్రి కేసీఆర్ నిర్ణయం -బీసీల రిజర్వేషన్లకు కాంగ్రెస్ గండికొట్టింది -బీసీలకు 34 శాతం రిజర్వేషన్లు ఇచ్చి తీరుతాం -తేల్చిచెప్పిన ముఖ్యమంత్రి కేసీఆర్ -నేడు క్యాబినెట్ సబ్ కమిటీ భేటీకి ఆదేశం -పక్కాగా వాదనల ఖరారుకు సూచన గ్రామ పంచాయతీ ఎన్నికల్లో రిజర్వేషన్లు 50% దాటకూడదని హైకోర్టు ఇచ్చిన మధ్యంతర ఉత్తర్వులపై రాష్ట్ర ప్రభుత్వం తరఫున సుప్రీంకోర్టులో అప్పీల్ చేస్తామని ముఖ్యమంత్రి కే చంద్రశేఖర్‌రావు ప్రకటించారు. పంచాయతీరాజ్ సంస్థల్లో బీసీలకు 34% రిజర్వేషన్లు ఇవ్వడంద్వారా తెలంగాణలో మొత్తం 61% రిజర్వేషన్లు అమలుచేసేలా గతంలో సుప్రీంకోర్టు ఇచ్చిన అనుమతి ఉత్తర్వులను పునరుద్ధరించాల్సిందిగా కోరాలని సీఎం నిర్ణయించారు. దీనికి అవసరమైన కసరత్తు చేసి, సుప్రీంకోర్టులో పిటిషన్ వేయడానికి బుధవారం క్యాబినెట్ సబ్‌కమిటీ సమావేశం కావాలని ముఖ్యమంత్రి ఆదేశించారు. అడ్వకేట్ జనరల్‌తోపాటు సంబంధిత అధికారులను కూడా ఈ సమావేశానికి పిలిచి, అన్ని విషయాలను కూలంకషంగా చర్చించాలని, పూర్వాపరాలను సమగ్రంగా పరిశీలించాలని సూచించారు. రాష్ట్రంలోని పంచాయతీరాజ్ సంస్థల్లో 61% రిజర్వేషన్లు అమలుచేయాల్సిన అవసరాన్ని నొక్కిచెప్పే విధంగా వాదనలు ఖరారు చేయాలని సీఎం కోరారు. బీసీలకు 34% రిజర్వేషన్ ఇవ్వడాన్ని కాంగ్రెస్‌పార్టీ వ్యతిరేకిస్తూ, వారి తరఫున ఎన్నికైన సర్పంచ్ స్వప్నారెడ్డి ద్వారా హైకోర్టులో పిటిషన్ వేయించి బీసీల రిజర్వేషన్లకు గండి కొట్టిందని విమర్శించారు. బీసీలకు 34% రిజర్వేషన్లు ఇవ్వడానికి రాష్ట్రప్రభుత్వం పూర్తిస్థాయిలో కట్టుబడి ఉందని, ఇందుకు అవసరమైన న్యాయపోరాటం చేస్తామని సీఎం కేసీఆర్ స్పష్టంచేశారు. ముఖ్యమంత్రి కేసీఆర్ ఆదేశాల మేరకు మంత్రి జూపల్లి కృష్ణారావు అధ్యక్షతన మంత్రుల కమిటీ బుధవారం సాయంత్రం నాలుగు గంటలకు సమావేశం కానున్నది. పంచాయతీరాజ్ రిజర్వేషన్ల అంశంపై అదనపు అడ్వకేట్ జనరల్, అధికారులతో మంత్రులు చర్చించనున్నారు.

Latest News

  • ప్రజలు టీఆర్‌ఎస్‌ను మరోసారి ఆశీర్వదించారు: కేసీఆర్

    ప్రజలు టీఆర్‌ఎస్‌ను మరోసారి ఆశీర్వదించారు: కేసీఆర్

    హైదరాబాద్: ప్రజలు టీఆర్‌ఎస్ పార్టీని మరోసారి ఆశీర్వదించారని సీఎం కేసీఆర్ టీఆర్‌ఎస్ అభ్యర్థులతో అన్నారు. ఓట్ల లెక్కింపు సమయంలో అప్రమత్తంగా ఉండాలని టీఆర్‌ఎస్ అభ్యర్థులకు సీఎం కేసీఆర్ సూచించారు. నిన్న పలువురు పార్టీ అభ్యర...

    Namasthe Telangana  On 10 Dec, 2018 1:11 PM Read More

  • ఒక్కడిపై ఇంతమందా?

    ఒక్కడిపై ఇంతమందా?

    - నేను తెలంగాణ ఏజెంటును - ఎవరికో ఏజెంటుగా ఉండే గతి నాకు పట్టలేదు - నన్ను చూస్తే కాంగ్రెస్‌, భాజపాలకు వణుకు - ఇక్కడి వరకే నన్ను కట్టడి చేయాలని కుయుక్తులు - ప్రధాన మంత్రివి పచ్చి అబద్ధాలు - దేశంలో 40 వేల టీఎంసీలు వృథాగా పోతున్నా...

     On 4 Dec, 2018 12:13 PM Read More

  • నేను ప్రజల ఏజెంట్‌ని: కేసీఆర్‌

    నేను ప్రజల ఏజెంట్‌ని: కేసీఆర్‌

    కోదాడ: మన దేశంలో ప్రధానమంత్రి కూడా పచ్చి అబద్ధాలు చెబుతున్నారని సీఎం కేసీఆర్‌ ఆవేదన వ్యక్తంచేశారు. అది దేశ ప్రజల దురదృష్టమని వ్యాఖ్యానించారు. దేశంలో రాజకీయ పరిస్థితులు అలా వున్నాయని వ్యాఖ్యానించారు. ఈ ఎన్నికల్లో పరిస్థి...

     On 3 Dec, 2018 4:41 PM Read More

  • రాష్ట్రమంతటా టీఆర్‌ఎస్‌కు పాజిటివ్ వేవ్

    రాష్ట్రమంతటా టీఆర్‌ఎస్‌కు పాజిటివ్ వేవ్

    - ఒకే రోజు 15 నియోజకవర్గాలు 9 సభలు - ముఖ్యమంత్రి కేసీఆర్ మరో రికార్డు - ప్రతి సభకూ ప్రభంజనంలా జనం - ఆలస్యమైనా కేసీఆర్ కోసం ఓపికగా ఎదురుచూపులు తెలంగాణ ఏర్పడితే అంధకారం అవుతుందని శాపాలు పెట్టారని, కానీ.. వారందరి అంచనాలను తలకింద...

    Namasthe Telangana  On 27 Nov, 2018 1:16 PM Read More

  • అమ్మా.. నీ కడుపు ఎందుకు తరుక్కుపోతోంది?

    అమ్మా.. నీ కడుపు ఎందుకు తరుక్కుపోతోంది?

    - నెల నెలా సూట్‌కేసులు అందడం లేదనా! - రైతులు, నేతన్నల ఆత్మహత్యలు తగ్గాయనా! - ఆనాడే తెలంగాణ ఇచ్చి ఉంటే కాంగ్రెస్‌కు గౌరవం దక్కేది - పన్ను రాయితీలపై హామీ ఇచ్చాకే రాహుల్‌ రాష్ట్రంలోకి అడుగుపెట్టాలి - చంద్రబాబు మాట వింటే కులీకు...

     On 26 Nov, 2018 11:19 AM Read More